Օգոստոսի 12-ին Գորիս քաղաքում տեղի ունեցավ «Սյունյաց ավանդույթներ» փառատոնը, որին ներկա էին Սյունիքի փոխմարզպետ Վ. Դավթյանը, Գորիսի քաղաքապետ Վ. Ադունցը, կրթամշակութային ոլորտի պատասխանատուներ, բարձրաստիճան հյուրեր ու տարբեր բնագավառների ներկայացուցիչներ: Քաղաքային զբոսայգու տարածքը լեցուն էր բազմապիսի ու բազմաբովանդակ տաղավարներով, որտեղ յուրաքանչյուր համայնք հանդես էր եկել իր բերք ու բարիքով: Փառատոնին տոնական շունչ էին հաղորդում երգն ու պարը, սրտաբաց հյուրասիրությունն ու զանգեզուրյան ինքնատիպ կոլորիտը: