Շիրակի մարզի Վահրամաբերդ համայնքի գրադարանում հուլիսի 18-ին տեղի ունեցավ անգլիացի մանկագիր Հադսոն Բառնեթի «Խորհրդավոր պարտեզ» գրքի քննարկումը:
Գրքի հերոսուհին` Մերի Լենոքսը` կամակոր ու փոքրիկ աղջիկը, շփվելով բնության, ծաղիկների ու թռչունների հետ, վերափոխվում է ու դառնում բարի, կարեկից ու կենսասեր, այդպիսին դարձնելով նաև իր եսասեր զարմիկին:
Քննարկմանը իրենց ակտիվ մասնակցությունը ցուցաբերեցին միջին դպրոցական տարիքի աշակերտները: Հարց ու պատասխանի, թեստային աշխատանքի միջոցով նրանք արտահայտեցին իրենց սեփական տեսակետը և եկան այն համոզման, որ բնությունը հրաշքներ է գործում: Շփվելով բույսերի և կենդանիների հետ` մարդիկ դառնում են ավելի բարի, ազնիվ և ձեռք են բերում պատասխանատվության մեծ զգացում:
Քննարկման նպատակն էր արժևորել բուսական և կենդանական աշխարհի դերը մարդկանց կյանքում: