Հունիսի 20-23-ին, ԳԱԱ-ում տեղի ունեցավ «Մշակութային աստղագիտությունը հայկական լեռնաշխարհում» թեմայով գիտաժողով, որը նվիրված էր աստղագիտական երևույթների արտացոլմանը ժողովուրդների մշակույթի զանազան ոլորտներում: Երիտասարդ պատմագետների ասոցիացիայի անդամները ևս մասնակցեցին գիտաժողովին: Պատմաբան Լիլիթ Մկրտչյանը ներկայացրեց «Շիրակացու տիեզերագիտությունը ու բնափիլիսոփայական հայացքները», «Աստղագիտական գիտելիքների ցուցադրումն ազգային տոների միջոցով» զեկույցները: Գուրգեն Մուրադյանի զեկույցը կոչվում էր «Տարածության և ժամանակի հղացքը ըստ Եվսեբիոս Կեսարացու»: ԵՊԱ անդամ Մարիամ Այդինյանը խոսեց Գրիգոր Գուրզադյան աստղագետի, նկարչի, էսսեիստի մասին: