Ինչպես ցույց են տվել նախորդ ընտրությունները, մեր երկրում որպես ընտրակաշառք տրվում է 5000 դրամ:
Այդ 5000 դրամի շուրջ կատարենք փոքրիկ շրջագայություն և հասկանանք, թե մեր իշխանությունները որքան են գնահատում ՀՀ քաղաքացու յուրաքանչյուր օրը:
Եթե 5000 դրամը բաժանում ենք 5 տարվա՝ տարեկան ստացվում է 1000 դրամ,
իսկ եթե 1000 դրամը բաժանում ենք 12 ամսվա՝ ամսեկան ստացվում է մոտավոր 85 դրամ,
իսկ եթե 85 դրամն ենք բաժանում 30 օրվա՝ օրեկան ստացվում է մոտավոր 3 դրամ:
Ահա թե որքան է գնահատվում ընտրակաշառք ուտող ՀՀ քաղաքացու յուրաքանչյուր օրը…
Ստացվում է, որ մեր հարևանի էշն ավելի շահեկան վիճակում է, քան ընտրակաշառք վերցնող ՀՀ քաղաքացին։
Ինչպե՞ս, հիմա ասեմ. «մեր հարևանն իր էշին տալիս է օրեկան 2 կիլոգրամ գարի և որոշակի քանակությամբ խոտ, ջուր և այլն։
Գարու կիլոգրամն արժե 150 դրամ, իսկ օրեկան 2 կգ գարին արժե 300 դրամ։
Այսինքն, կաշառք վերցնող ՀՀ քաղաքացին մեր հարևանի էշից 100 անգամ ցածր արժե։ Դե եթե մեր հարևանն իր էշին վաճառի` կգնահատի 50 000 դրամ, եթե սա էլ բաժանում ենք 100–ի, ստացվում է 500 դրամ։
Սա Ձեր իրական գինն է, ընտրակաշառք վերցնող ՀՀ քաղաքացիներ, իմացե՛ք այն… Խոտն ու ջուրն էլ ձեզ նվեր…
Հետևությունները թողնում եմ ձեզ...
