Պարոն նախարար, հաշվի առնելով դպրոցաշինությանը ուղղված մեր պետության ջանքերը, ուզում եմ ձեր ուշադրությունը հրավիրել անչափ ցավոտ մի փաստի վրա, որտեղ ձեր ղեկավարած նախարարությունը լուրջ անելիքներ ունի: Հայաստանի հարյուրավոր գյուղերի դպրոցների գրադարանները գտնվում են անմխիթար վիճակում: Ժամանակակից գրականություն և առհասարակ նոր տպագրվող գրքեր գրեթե չեն հասնում գյուղերի դպրոցներ, իսկ այնտեղ եղածներն էլ չեն ապահովում տեղի դպրոցների կրթական ծրագրերի բարելավումը, քանի որ դրանք ԽՍՀՄ-ից մնացած գրքերն են, իսկ գաղտնիք չէ որ այդ տարիներին բավականին արժեքավոր գրքեր արգելված էին, և չկային գրադարաններում: Գաղտնիք չէ նաև որ Հայաստանում կան բազմաթիվ գյուղեր որտեղ կամ չկան, կամ նոր են հասանելի դառնում իտերնետային ծառայությունները, որի պատճառով շատ դպրոցականներ զրկված են նաև էլեկտրոնային գրականությունից օգտվելու հնարավորությունից: Կուզեի իմանալ թե նախարարությունը ի՞նչ քայլեր է ձեռնարկել, կամ ձեռնարկում, որպեսզի նոր տպագրվող գրքերը հասնեն գյուղերի դպրոցներ: