-Այսօր` փետրվարի 7 -ին, մահացել է անվանի բանաստեղծ, ՀԳՄ քարտուղար Հովհաննես Գրիգորյանը, -հայտնում են լրատվամիջոցներն ու ինտերնետային կայքերը: Նորությանը հաջորդում է նախագահ Սերժ Սարգսյանի ցավակցական ուղերձը, որում ըստ Մամուլ.ամ կայքի մասնավորապես ասվում է.
''Անդառնալի կորստի այս ծանր պահին խորին ցավակցություն և զորակցություն եմ հայտնում Ձեզ, Ձեր հարազատներին և մերձավորներին անվանի մտավորականի և քաղաքացու մահվան կապակցությամբ, ում թողած գրական ժառանգությունը մնայուն արժեք է հայ գրականության մեջ'', -ասված է ՀՀ նախագահի ցավակցական հեռագրում:
Ասվածին պիտի հավելել, որ բանաստեղծի, արժանավոր մարդու ու հայրենիքի ցավով տապակվող մեկի մահը պիտի լինի բոլորիս ցավը և կա բոլորիս ցավը, չնայած որ այդ ցավի գիտակցումը քչերին է տրված: Այդուհանդերձ և անհրաժեշտ է ցավակցել նաև մեզ բոլորիս, որովհետև գրողը ժողովրդի ներկայացուցիչն է գրականության մեջ ու միաժամանակ ժողովրդին ուղեկցողն ու լուսավորողը, ճիշտ ճանապարհ ու գրական ճաշակ «թելադրողը» : Հովհաննես Գրիգորյանն իր հոգու պարտքը կատարել է մեծ սիրով ու անկեղծությամբ, չխնայելով ոչ մի բան, անգամ ինքն իրեն: Աստված թող լուսավորի նրա հոգին, իսկ Մեծ Բանաստեղծը, չնայած ֆիզիկական բացակայությանը կշարունակի լուսավորել մեզ ու մեր սրտերը իր թողած գործերով, իսկ այսօր
Քաղաքի վրա ամպի նման կուտակվել է փոխադարձ սիրո կարոտը:
/Հովհաննես Գրիգորյան/
