Հուլիսի 12-ին, Հիսուս Քրիստոսի պայծառակերպության տոնի` Վարդավառի օրը, Աստրախանի կենտրոնում, Հայ Առաքելական Սուրբ Հռիփսիմե եկեղեցու բակում, տեղի «Երկրապահ կամավորականներ» -ի միության և «Տիգրան Մեծ» Բարեգրծական Հիմնադրամի նախաձեռնությամբ, տեղի կունենա Մեծ Եղեռնի 100 ամյա հիշատակին նվիրված մեծ ֆլոշմոբ-ակցիա, որի ընթացքում ակցիայի մասնակիցները կպարզեն Երևանից ՌԴ մեկնած, Ցեղապանության 100 ամյակի խորհուրդը կրող` 100 մետր երկայնք ունեղոց Հայոց Եռագույնը: Միջոցառման մասնակիցները շրջան կկազմեն և Աստրախանի կենտրոնում 100 վայրկյան լռությամբ կհարգեն Մեծ Եղեռնի անմեղ զոհերի հիշատակը:
«Տիգրան Մեծ» Բարեգործական Հիմնադրամը կոչ է անում Աստրախան քաղաքի և Աստրախանի մերձակայքի հայ համայնքներին` միանալ և մասնակցել նախաձեռնությանը, որը կտեսագրվի և կլուսանկարահանվի: Միջոցառումից հետո կպատրստվեն Ցեղասպանությունը դատապարտող բազմալեզու հոլովակներ և կտարածվեն ողջ աշխարհով մեկ: