Հայաստանի Հանրապետության կառավարությանն առընթեր հայաստանի հանրապետության ոստիկանության գործունեության ոլորտում 2013-2014 թվականների բարեփոխումների ծրագրին հավանություն տալու եվ ժամանակացույցը հաստատելու մասին հավելվածներում թույլատրված չի մեքենաները սխալ տեղ կայանելու պատճառով բիրտ ուժ կիրառել մարդկանց վրա, ավելին.
Հունիսի 22 –ի լույս 23-ի առավոտյան, եթե մայրաքաղաքում ուժ կիրառվեց խաղաղ ցուցարարների նկատմամբ, ապա Գյումրիում կիրառվեց բիրտ, անգրագետ «ոստիկանական բարեփոխումներին» խիստ հակացուցված ուժ:
Ով հուշեց ՇՄ ոստիկանապետ Գ. Ամիրխանյանին, նաիվության հասնող այդպիսի սցենար կիրառել տղաների նկատմամբ, որոնց ճկույթն իսկ չարժի կիրառողը, ոչ գրագիտության, ոչ ինտելեկտի, ոչ հայրենասիրության, ոչ շատ շատ այլ արժանիքների առումով:
Տղաների ձերբակալության, նրանց վրա խուլիգանական ուժ կիրառելու պատճառ ոստիկանությունը համարել է մեքենաների ոչ ճիշտ կայանման փաստը.
Թատերական հրապարակում գտնվող թատրոնի շենքի աստիճանները Սայաթ-Նովա փողոցից գտնվում են առնվազն հիսունից վաթսուն մետր հեռավորության վրա և աստիճաններին նստած տղաներին ծեծկռտելու այլ պատճառ չգտնելով, քաղաքցիական հագուստով Գյումրու ոստիկանական «ընտրանին» թաղային խուժանի նման հարձակվեց խաղաղ ցուցարարների վրա:
Երևանաբնակ ոստիկանապետը վաղ թե ուշ թողնելու է Գյումրին, իսկ այս խեղկատակությունից հետո տեղի ոստիկանները ինչ երեսով են նայելու Կարենի, Տիգրանի և մյուս տղաների աչքերին… կարծում ենք, ամենաքիչը՝ ամաչելով:
Հասմիկ Մելքոնյան
Գյումրի
