Խնդրում ենք սպասել...

Հոդվածներ

Ընթերցող երեխան շրջապատի հերոս

16:26, ուրբաթ, 22 մայիսի, 2015 թ.
Ընթերցող երեխան շրջապատի հերոս

Զոլաքարի N1 միջնակարգ դպրոցում կարծես ավանդույթ է դարձել հաղթանակներ նվաճելը: Այդ է վկայում նաև ս/թ մայիսի 20-ին Ազգային գրադարանի մեծ դահլիճում կայացած «Ընթերցման օլիմպիադայի» հանրապետական փուլը, որտեղ Գեղարքունի-քի մարզը ներկայացնող երեք մասնակիցներից մեկը Զոլաքարի N1 միջնակարգ դպրոցի սան Ահարոն Տիգրանի Սահակյանն էր: Մրցույթին ներկա էին ՀՀ կրթության և գիտության նախարար Արմեն Աշոտյանը, ՀՀ մշակույթի նախարար Հասմիկ Պողոսյանը, միջոցառման կազմակերպիչներ, հովանավոր և գործընկեր կազմակերպություններ: Ահարոնը ոչ միայն փայլուն ներկայացավ, այլև` արժանացավ բազմաթիվ խրախուսական մրցանակների: «Ջավախքին աջակցություն» հիմնադրամի կողմից որպես տպավորիչ ընթերցող ստացավ գրքերի հավաքացու և ամռանը դեպի Ջավախք էքսկուրսիայի առաջարկ, ՀՀ պաշտպանության նախարարության կողմից` եռօրյա ուղևորություն Արցախ, Բրիտանական խորհուրդ կազմակերպությունից` դարձյալ գրքեր, Գուրմէ- Դուրմէ շոկոլադի խանութի կողմից` շոկոլադների տեսականի, Ռեսո ապահովագրական ընկերության կողմից` մեկ տարի ժամկետով ապահովագրություն դժբախտ պատահարներից, մրցույթին մասնակցությունը հաստատող վկայագիր և վերջապես ամենագլխավորը` Lenovo սմարթֆոն Ֆայն խանութ-սրահի կողմից:
     Շնորհավորելով Ահարոնին` ցանկանում ենք նրան նորանոր ձեռքբերումներ և հույս ունենք, որ ստացած մրցանակները պարտավորեցնող կլինեն և նա կշարունակի ավելի ու ավելի լավ սովորել:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
2
Չհավանել
0
4903 | 0 | 0
Facebook