Daimler գերմանական ընկերությունը ներկայացրել է աշխարհում առաջին ինքնակառավարվող բեռնատարը, որը կարելի է արդեն օգտագործել ԱՄՆ-ի երթևեկելի ճանապարհներում: Հաղորդում է The Verge-ը:
Freightliner Inspiration Truck կոչվող բեռնատարը թեև ինքնակառավարվող է, սակայն վարորդն, այնուամենայնիվ, պետք է իր տեղում լինի: Փորձարկման փուլում բեռնատարն անցել է 16 հազար կմ: Մեքենան ունի տեսախցիկներ, սենսորներ, ռադարներ և համակարգչային այլ սարքեր, որոնք մշակում են սենսորներից ստացված տվյալները:
Մեքենան կարողանում է պահպանել տրված արագաությունը, արգելակել արգելքների դեպքում և նվազեցնել արագությունը պոտենցիալ վտանգների ժամանակ: Inspiration Truck-ի վարորդն իր ժամանակի մեծ մասն ազատ կլինի: Հարկավոր է միայն ուշադիր լինել այն ժամանակ, երբ կարիք լինի թեքվել մայրուղուց, երթևեկել նեղ փողոցներով կամ կայանել մեքենան:
Ստեղծողների խոսքով՝ մեքենան նվազագույնի է հասցնում վարորդների սթրեսը՝ բացառելով երկար ճանապարհին ննջելու պատճառով պատահարների ռիսկը և այլն: Ներկա պահին Daimler-ը թողարկել է երկու Inspiration Truck բեռնատար, որոնց փորձարկումը դեռ ընթացքի մեջ է:
Աղբյուրը՝ HayBloger.Ru
