Յուրաքանչյուր երկրի համար անհրաժեշտություն է կիրթ, գրագետ ու բազմակողմանիորեն զարգա-
ցած քաղաքացիներ ունենալը։ Ելնելով այն բանից, թե ինչպիսի հարևաններով է շրջապատված Հա-
յաստան աշխարհը, մեզ համար դա առավել քան կարևոր է, և այդ խնդրի լուծման ծանրակշիռ մասն
իրագործվում է հանրակրթական ու բարձրագույն ուսումնական հաստատություններում։ Հենց դպրո-
ցական տարիքից մեր երկրի ապագա քաղաքացիները ի թիվս այլ գիտելիքների պետք է սովորեն նաև
զենքի հետ վարվելու, անհրաժեշտության դեպքում՝ նաև այն կիրառելու կանոնները։ Այս ուղղությամբ
կազմակերպվում են տարբեր միջոցառումներ ու մրցաշարեր։ Դրանցից Հայրենական Մեծ պատե-
րազմում տարած հաղթանակի 70-ամյակին նվիրված «Դիպուկ հրաձիգ» մրցաշարին և Լիճք գյու-
ղի միջնակարգ դպրոցի նախկին զինղեկ Հայկ Խաչատրյանի հիշատակին նվիրված «Լավագույն
հրաձիգ» հուշամրցաշարին մասնակցեցին Գեղարքունիքի մարզի Զոլաքար գյուղի սաներ
Լիանա Ոսկանյանը, Մանե Հարոյանը, Իշխան Սևոյանը, Գոռ Սարգսյանը և Արամ Հակոբյանը։
Երեխաները կարողացան լավագույնս հանդես գալ և առաջին մրցաշարի տարածքային փուլից
դպրոց բերել առաջին տեղը խորհրդանշող գավաթը, իսկ երկրորդից ՝ զբաղեցնել լավագույն՝ 1-ին,
2-րդ և 3-րդ տեղերը՝ արժանանալով պատվոգրերի ու հուշանվերների։
Նմանատիպ միջոցառումները նպաստում են ոչ միայն դպրոցներում հայրենասիրական դաստիա-
րակության լիարժեք իրականացմանը, այլև ապագայում, հայրենիքը պաշտպանելուն ու մեր
երկրի սահմաններն անառիկ պահելուն պատրաստ զինվորներ պարգևելուն։