Խնդրում ենք սպասել...

Հոդվածներ

Ստամբուլում փորձել են հայուհու առևանգել. ստամբուլահայերը փշերի վրա են. «Ակօս»

11:31, երկուշաբթի, 14 հունվարի, 2013 թ.
Ստամբուլում փորձել են հայուհու առևանգել. ստամբուլահայերը փշերի վրա են. «Ակօս»

Ստամբուլի Սամաթյա թաղամասում հայուհի Մարիցա Քյուչուքի սպանությունից հետո, փորձել են մեկ այլ հայուհու առևանգել, սակայն չի ստացվել. տեղեկացնումէ «Ակօս»-ը։


     Կինը ցանկացել է գնալ եկեղեցի՝ Սուրբ Ծննդյան պատարագին մասնակցելու, սակայն նրան փորձել են օգնելու նպատակով, ստիպողաբար մեքենա նստեցնել։Կինը կարողացել է հասնել եկեղեցի և դիմել ոստիկանություն։


     «Ակօս»-ը ավելի վաղ տեղեկացրել էր, որ Սամաթյայում հայուհու սպանությունից օրեր առաջ ևս նույն կերպ բռնություն էր գործադրվել մեկ այլ տարեց հայուհու նկատմամբ, ինչի հետևանքով նրա մեկ աչքը վնասվել էր։
    
     Պարբերականն այդ ժամանակ նշել էր, որ Ոստիկանությունն ու պատկան մարմինները կասկածելի լռում են:
    
     Առևանգման փորձի ականատեսները պատմել են, որ ծեր կնոջը մոտեցել է սպիտակ մեքենա, որում 3 մարդ են եղել։ Սկզբում հարցրել են, թե արդյո՞ք ճանաչում է Ֆաթման անունով մի կնոջ։ Ապա ասել են, որ իրենք օգնություն են բաժանում և համոզել են կնոջը նստել մեքենան։ Կինը հրաժարվել է և դժվարությամբ հասել եկեղեցի։


     Այժմ արդեն հայտնի է ոստիկանության ոչ պաշտոնական արձագանքը։ «Ակօս»-ի՝ ոստիկանության աղբյուրները տեղեկացրել են, որ իրենք ամեն ինչ անում են՝ սպանության բացահայտման համար։Դրա համար շուրջ 20 ոստիկանական խումբ է աշխատում։


     Ազգային պատկանելության պատճառով սպանության հավանականությունը, ոստիկանության համոզմամբ, շատ փոքր է։ Իսկ տարածված տեղեկությունը, թե սպանված կնոջ մարմնին դանակով խաչ է պատկերված եղել, ոստիկանությունը հերքել է։


     Թաղամասի բնակիչները, սակայն, նշում են, որ քանի դեռ այդ սպանությունն ու մյուս հանցագործությունները չեն բացահայտվել, թաղամասում հանգիստ չեն լինելու։


     «Թե' մեծահասակները, թե' երեխաները հոգեբանական խնդիրներ ունեն։ Ծեր մորս ասել ենք, որ անծանոթ որևէ մեկի հետ չխոսի», – ասել է բնակիչներից Անահիտ Ֆըրընջըն։
    
     Տեղեկությունը՝ tert.am

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3970 | 0 | 0
Facebook