Հոդվածներ

Երեկ ողջ Էջմիածնում կարծես արտակարգ դրություն հայտարարված լիներ. ամեն 10 մետրը մեկ ոստիկաններ էին շարված: Էնպիսի տպավորություն էր, որ Էջմիածնում է հավաքվել մեր երկրի ամենամեծ հանցավորների խումբը, և ՃՈ տեսուչներն իրենց ողջ ուժերը հավաքել են ու ամեն պահի պատրաստվում են վնասազերծել դրանց:
     Պարզվեց, որ այդ տպավորության միայն մի մասն էր իրականություն:
     Իրականում երեկ մեծն գեներալ Մանվել Գրիգորյանը մի քիչ ուշացումով տոնում էր իր ծննդյան 58-ամյակը: Եվ, բնականաբար, Գրիգորյանի ծննդյան արարողությանը մասնակցում էր ՀՀ քաղաքական ողջ վերնախավը` Սերժ Սարգսյանի գլխավորությամբ: Ներկա էր անգամ ԼՂՀ վարչապետ Արա Հարությունյանը:
     Դե, իսկ ոստիկաններն էլ կատարում էին օրենքով սահմանված իրենց բուն պարտականությունը. 10 մետրը մեկ շարվել էին քեֆչիներին մեզանից` սովորական մահկանացուներիցս պաշտպանելու համար, որ հանկարծ Սերժի ու նրա մերձավորների տոնը չխանգարվեր: