Խնդրում ենք սպասել...

Հոդվածներ

Քեսապցի Ընտանիքներ կը Ժամանեն Այնճար. վերադառնանք մեր տուները, ես վրանի տակ կ՝ապրիմ, խնձորի ծառերս կը խնամեմ

15:33, կիրակի, 30 մարտի, 2014 թ.

Անցնող քանի մը օրերու ընթացքին Այնճար սկսան ժամանել Քեսապցի ընտանիքներ, որոնք Քեսապի մէջ տիրող աղետալի պայմաններու պատճառաւ, ստիպողաբար տեղահանուած եւ ապաստանած էին Լաթաքիոյ մէջ:

Ներկայիս՝ Այնճար ժամանող ընտանիքները ապաստանած են հարազատներու եւ բարեկամներու բնակարաններուն մէջ:

Այնճար ժամանողներէն մէկը կը պատմէ թէ ան իր երկորեակ աղջիկները անկողինէն ուղղակի ինքնաշարժ փոխադրած է իր հետ առնելով անձնաթուղթերը եւ զաւակներուն միքանի փոխնորդ հագուստներ:

Ան կ՝ըսէ. «ես եւ տիկինս բացի այս մեր հագուստներէն ուրիշ չունինք: Բայց ես բախտաւորներէն եմ, որովհետեւ յիշեցի մեր անձնաթուղթերը առնել, շատեր իրենց վախին եւ սարսափին մէջ մոռնալով իրենց ոսկեղենները եւ անձնաթուղթերը փախուստ տուին»:

Ան արցունքոտ աչքերով կը շարունակէ ըսել «ես վստահ եմ մեր տունը այրեցաւ, որովհետեւ ես մազութ, փութակազ եւ պէնզին ապահոված էի տան մօտ, մտածելով թէ պատերազմը կրնայ երկարիլ եւ մենք նեղի կրնանք մատնուիլ»:

«Բայց այս բոլորը հոգ չէ՝ միայն վերադառնանք մեր տուները, ես վրանի տակ կ՝ապրիմ, խնձորի ծառերս կը խնամեմ, անոնց բերքը նոր տուն, նոր կահկարասի կը բերեն, բայց եթէ անոնք ալ փճանան կամ այրին՝ ինչ պիտի ընեմ...»:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2452 | 0 | 0
Facebook