Տավուշի մարզի Արճիս գյուղի բնակիչներին արգելում են իրենց իսկ գյուղի տարածքում գործող մրգերի պահպանության համար նախատեսված սառնարանում միրգ պահել: Սառնարանը կառուցվել է վեց տարի առաջ, և նախնական պայմանավորվածության համաձայն` մի որոշ մասը (20%) տնօրինելու էր գյուղացին: Մինչ այս տարի արճիսցիները կարողացել են իրենց բերքը պահել սառնարանում` իհարկե վճարելով սեփականատիրոջը, բայց այս տարի պայմանագիրը խախտվում է: Գյուղացիները տեղեկացնում են, որ ինչ-որ մեկը մեծ քանակությամբ գազար է տեղադրել սառնարանում, և չնայած այն հանգամանքին, որ 170 տ. տարողությամբ սառնարանում դեռ տեղ կա, գյուղացուն թույլ չեն տալիս իր բերքը պահել այնտեղ, քանի որ մրգի և գազարի պահպանման ջերմաստիճանները տարբեր են:
Գյուղացին սառնարանում պահում էր հիմանականում արքայանարինջը` Ամանորի նախաշեմին վաճառելու նպատակով: Իսկ այսօր ստիպված է բերքը շատ արագ իրացնել այն չփչացնելու համար:
Եվս մեկ անգամ անտեսվեցին տասնյակ գյուղացիների շահերը…
