Խնդրում ենք սպասել...

Հոդվածներ

Ֆլորա Մարտիրոսյանի հետ նոյեմբերի 20ից նոյեմբերի 20ը

Artak Aghajanyan
Հեղինակ`
Artak Aghajanyan
01:49, երեքշաբթի, 19 նոյեմբերի, 2013 թ.
     Լրանում է 1 տարին այն օրից, որ մեզ բաժանեց Ֆլորա Մարտիրոսյանի ֆիզիկական ներկայությունից: Նոյեմբերի 20ին Սիրելի երգչուհու երկրպագուները հավաքվելու են նրա շիրիմի մոտ խնկարկելու և կատարելու մոմոավառություն: Ուղիղ կեսօրին կվառենք մոմեր խորհրդանշելով մեր սիրելի Ֆլորա Մարտիրոսյանից հորդացող ջերմությունն, ճառագող անմար լույսը և հոգու անմահությունը: Կարող եք միանալ այդ Խորհրդանշական Նախաձեռնությանը և միասին խնկարկել նրա Մշտավառ Հիշատակը: : Մեր սիրելի Ֆլորա Մարտիրոսյանը, մեր Լեգենդը Հավերժ մեզ հետ է: Նա կա և միշտ էլ կլինի իր հավատարիմ երկրպագուների հետ: Այս 1 տարվա ընթացքում մի խումբ երիտասարդներ, ովքեր բախտ էին ունեցել մեծարել անձամբ Լեգենդար երգչուհուն, դարձյալ շարունակել են մեծարման ու տարածման նվիրական գործը:
     Սկիզբը տրվեց մոմավառությամբ` երիտասարդները 2012թ. դեկտեմբերի 10-ին Ֆիլարմոնիայի շենքի մոտ ճառագող անմար լույսերով, ինչպիսին հենց մեր երգչուհին էր, դիմավորեցին սիրելի երգչուհուն հայրենիքում, սակայն այս անգամ առհավետ հրաժեշտ տալու համար: 2013թ. փետրվարի 5-ին "Նարեկացի" արվեստի միությունում Ֆլորա Մարտիրոսյանի ընկերների, կոլեգաների, հարազատների և պարզապես նրա արվեստը գնահահատողների հետ նշեցին սիրելի երգչուհու ծննդյան 56-րդ տարեդարձը: Այնուհետև ամեն համերգային օրերը հիշվեցին երկրպագուների հիշողություններով գրված հոդվածներով: Ի հիշատակ Ֆլորա Մարտիրոսյանի վերջին մենահամերգի օրվան՝ 2012թ հունիսի 19-ին, պատրաստվեց յուրահատուկ հոլովակ "Կուզեմ տեսնել մեր հին Անին" երգի հիման վրա, որտեղ լավագույնս ընդգծվեց մեծահամբավ երգչուհու շքեղ տեսքը, նրա վեհությունն ու անմար գեղեցկությունն:
     Ինչ խոսք, կարելի էր անել էլ ավելին այս մեկ տարվա ընթացքում, սակայն մենք կարողացանք անել թերևս այդքանը, իսկ շատ ավելի գեղեցիկ մտահղացումներ էլ չիրականացան աջակիցների սակավությունից: Անելիքներ դեռ շատ կան...
     Լեգենդները չեն մեռնում, նրանք դադարում են ապրել ֆիզիկապես, իսկ նրանց գործերը հավերժ են...
Ֆլորա Մարտիրոսյանի հետ նոյեմբերի 20ից նոյեմբերի 20ը
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3725 | 0 | 0
Facebook