Խնդրում ենք սպասել...

Հոդվածներ

«Ա» տառի շնորհանդես

11:49, ուրբաթ, 15 նոյեմբերի, 2013 թ.

Հոկտեմբերի 16-ին Արտաշատ քաղաքի № 2 հիմնական դպրոցի I «ա» դասարանում տոն էր: «Ա» տառի ուսուցմանը նվիրված միջոցառումը, որը կազմակերպել էր հմուտ դասվար Գոհար Ստեփանյանը, յուրօրինակ էր և ուսանելի:

Տոնական ու գունեղ էր դպրոցի դահլիճը: Միջոցառման սկզբում երեխաներն անսպասելի հայտնվեցին «Տառաշխարհ» քաղաքում, որտեղ նրանց դիմավորեց արքայադուստր Թերեզան: Երեխաներին հյուր էին եկել կարմրակատար աքաղաղը, բրդոտ արջը, խպորամանկ աղվեսը:

Փոքրիկների շուրթերից հնչեցին երգեր, բանաստեղծություններ, հանելուկներ: Բեմադրությամբ, ասմունքով երեխաներն ի ցույց դրեցին իրենց գիտելիքները, և միջոցառումը վերածվեց հրաշալի տոնի: Միջոցառման վերջում «Ա» տառն իր գեղեցիկ երգով ազդարարեց «Ա» տառի ծնունդը, և երեխաները համտեսեցին «Ա» տառի ծննդյան տորթը: «Ա» տառի ուսուցումը վերածվեց տոնի և դարձավ հիշարժան օր I «ա» դասարանի երեխաների համար:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
15076 | 0 | 0
Facebook