Նկարիչների Միությունում բացվել է նկարիչ Ցոլակ Կանթեղի անհատական ցուցահանդեսը: Ներկայացված են տարբեր ժանրերի աշխատանքներ՝ ծաղրանկարներ, գրաֆիկաներ, գեղանկարներ, գրքերի ձևավորումներ, տարբեր ժամանակաշրջանի աշխատանքներ:
Ցոլակ Կանթեղը (Ղանդիլյան) ծնվել է հունիսի 24-ինՙ Լենինականում (այժմՙ Գյումրի), Ս. Մերկուրովի անվան կերպարվեստի դպրոցում աշակերտել է հետագայում հայտնի գեղանկարիչ Հակոբ Անանիկյանին, ապա ուսումը շարունակել Երեւանի Փ. Թերլեմեզյանի անվան գեղարվեստի ուսումնարանում: Աշխատակցել է «Գրական թերթ», «Ավանգարդ», «Խորհրդային Հայաստան» «Դպրություն», «Ոզնի», «Կանչ» (նախկինում «Պիոներ կանչ») եւ այլ պարբերականների, ձեւավորել «Զորավար Անդրանիկ» թանգարանը:
Ցուցահանդեսը կգործի մինչև մայիսի 17-ը: